盛夏海鲜自助餐Dining娜
作者: 点击:398 次
(Presented by 8度餐厅)

自助餐嚟讲,我都几锺意8度餐厅嘅出品,除咗贪佢花款多,时不时都有新嘅主题buffet,更重要係价钱亲民得嚟,食物品质又有保障。今个暑期,8度又有新搞作,推出夏日海鲜盛荟自助晚餐,上星期我Dining娜就有幸可以率先试食,想知有咩必食推介就继续睇落去喇!

精选海鲜源源奉上

Buffet主题叫做「海鲜盛荟」真係一啲都冇错,成个海鲜吧铺满嚟自世界各地嘅当造海产,款式够多够齐,有法国同美国空运到港嘅生蚝;有嚟自纽西兰嘅青口;有巨型皇帝蟹脚;仲有海螺大虾等……作为一个海鲜控,我应该至少encore咗3 round。

盛夏海鲜自助餐Dining娜
自助海鲜吧海鲜堆到成座山咁满,感觉离远都闻到阵海水味,全部食落都好fresh好肥美。

地道异国风味菜

斋食新鲜海产又点试到大厨嘅真功夫,梗係要品尝埋其他海鲜菜式啦!今次大厨就运用咗各种海鲜入馔,配合埋日本、泰国、越南、中国等多国食材同香料,炮製出风味十足嘅海鲜美食,包括泰式咖喱布朗蟹、蒜香大头虾配香草牛油汁同埋避风塘软壳蟹等。

除咗海鲜美食,环球风味菜一样令人惊喜,例如有充满法式风情嘅香煎鹅肝配黑松露汁,自助餐可以食到鹅肝已经够晒高级,仲要加埋黑松露汁更显矜贵;想食得潮啲又有韩式芝士排骨,芝士非常香浓,包住软腍排骨食完全係双重味觉享受!另外仲有烧特级牛肉、香草烤羊扒、韩式炸鸡翼……数之不尽嘅美食。

盛夏海鲜自助餐Dining娜
泰式咖喱布朗蟹布朗蟹加入黄咖哩同泰式香料煮过,酱汁吸收咗蟹肉鲜香,食起嚟特别惹味,个人喜好配麵包食,啲汁索晒入包度,一滴精华都唔浪费。
盛夏海鲜自助餐Dining娜
香煎鹅肝配黑松露汁鹅肝煎得啱啱好,外面香脆,入面仲係粉粉哋嘅口感,入口即溶,大厨秘製嘅黑松露汁亦係神来之笔,即时昇华整体味道同层次。
盛夏海鲜自助餐Dining娜
韩式芝士排骨猪肋骨够厚肉嫩滑,本身已腌得好入味,加埋精心调配过嘅半溶芝士,更多添一份鹹香。
盛夏海鲜自助餐Dining娜
日式杂锦串烧有肉类、海鲜、蔬菜任拣,全部即叫即烧,腌味方面都係以简单为主,烧完依然保留到食材本身嘅原汁原味。

压轴精緻甜品

食完一轮鹹嘢当然要到甜品出埸。嚟得8度食自助餐又点可以错过得奖甜品芒果拿破仑,大厨特别选用咗菲律宾吕宋芒製作,果香味非常浓郁,果肉又甜又多汁,话佢係皇牌必食之选无误。另一款用芒果造嘅甜品係梳乎厘,师傅现场即製,够晒新鲜热辣,香气扑鼻。仲有一个吸引之处,就係呢度可以任食Häagen-Dazs雪糕,平时一杯都廿几蚊,净係呢点都值回票价!

盛夏海鲜自助餐Dining娜
芒果拿破仑酥皮好鬆化,中间夹住一层吉士忌廉,两边铺满杏仁脆片,加埋面层嘅厚切吕宋芒肉,整体甜度恰到好处,仲一次过食到多重层次。
盛夏海鲜自助餐Dining娜
芒果梳乎厘鬆软梳乎厘里面係新鲜芒果蓉,口感软滑,而且食到清甜果味,实在令人难以抗拒。

食抵啲啲

虽然话$448起就食到咁丰富嘅海鲜盛荟自助餐已经物超所值,但有着数无理由唔开心share。而家只要透过酒店网站预订或者用指定信用卡埋单就可以享有高达8折优惠,满4个人一齐惠顾,当月生日嘅客人仲可享半价或者免费生日蛋糕1磅,供应期有限,想食就要快喇!

 

夏日海鲜盛荟自助晚餐(8度餐厅)

地址:土瓜湾九龙城道199号8度海逸酒店大堂

电话:2129 1960

收费:成人$448起 /长者$398起 /小童$318起

/p>

上一篇: 下一篇:
猜你喜欢
热门排行
最新文章