话说「惊喜」呢个词包含了「惊」同「喜」，咁究竟 A9 带来乜野惊喜比大家呢？A9 令人「惊」的地方係佢放弃了 One M9 的机身设计，虽然同样使用金属机身，但更圆浑的风格加上全玻璃机面、指纹感应器以及隐藏式天线「白带」设计，一个唔觉意真係比人当作 iPhone 都有之。 CEO 黄雪红话呢部机可同 iPhone 一比，但规格上只用上 Snapdragon 617 八核心处理器、 2GB 或 3GB RAM 、5吋 FHD AMOLED 屏幕及 13MP OIS 相机等，睇来睇去都係中阶款式，係此机支援插卡，讲储存容量就真係可以同 iPhone 匹敌。

虽然， One A9 外形同规格都比大家有「惊惊」感觉，但仍有令人感到欣「喜」的地方，就是此机将会是首款运行 Android 6.0 系统的手机（虽然还是使用 Sense 7.0 UI），而且用户可根据需要选择 AMOLED 或 sRGB 的色彩设定档、支援 RAW 拍摄及 Hyperlapse 拍摄功能等。多个颜色机身的 One A9 已于美国 HTC 官网预售，定价 399.99 美元（折合港币约 $3,120）， 11 月中正式推出。