採用动铁单元、有得换线嘅入耳式耳机，喺市面上其实有唔少品牌选择，所以唔怕老实同大家讲，Fostex到最近先用对TE-07出嚟迎战，确实就迟到无谱。不过咁样唔代表呢款耳机无卖点可言，因为单係造工零瑕疵嘅全铝製子弹形外壳就足以教人心动！

TE-07嘅全铝製子弹形外壳并唔係浪得虚名，除咗真係放喺冷气地方过夜同窗边吹风后，再摸上手会觉得冻之外，而且设计简单得连左、右都唔mark，只在原装耳机线上加上红点来代表右方，贯彻「Red is right.」的音响理念。值得一提嘅係铝壳同时有减低谐震的作用，而且所用之MMCX接头又有不少选择，方便大家换线升级，只係由于耳机本身体型不算具份量，所以不能换一些太粗身嘅线材，除会令耳机失平衡，易从耳内跌出，亦难于放入内栊设计偏窄嘅耳机盒内，即使夹硬放入去又会容易整断线，得不偿失。

其实因为耳机体型不大，所以当中所用之单元数量不多，只得一枚动铁单元。可能有用家会觉得接近$2,000大元嘅耳机只有一枚单元係好离地，最初笔者知道时也觉得价钱定得太高，但试听后就唔觉得耳机係物非所值，尤其听周杰伦《算什幺男人》嗰阵真心觉得中音几突出、稳阵！之不过价钱真係定贵咗啲啰！

◆ Fostex TE-07
◆ 耳机线有红点就是右边，记住呢点就唔会用错方向
◆ 採用MMCX接头，方便用家换线将音色升级
◆ 线身中间都有品牌字款
◆採用6N OFC线身及L形镀金接头，明sell耐用
◆ 便携盒设计虽够简约，但略嫌太小，如果耳机换咗粗身少少嘅耳机线就未必放得落
◆ 备有XS至L共4款耳胶以供替换，唔同大细嘅耳形都fit到
◆ Fostex TE-07包装盒

总结：
除咗试听《算什幺男人》，笔者仲拎返好耐之前转咗lossless档嘅陈洁仪《揭晓》、林奕匡《Goodman》试下低音动态，分别直接驳手机，以及驳耳扩咁听。虽然而家好多用家会将耳机直驳听歌，但係sorry，呢对耳机用手机听係好难推得郁，反而驳咗耳扩就出返唔少高、低音，而还原度亦提升，所以如果会主力听女声，或者听较多groovy歌曲嘅用家，真係要备定耳扩先好听。

Fostex TE-07基本规格：
单元：动铁
频率响应：20Hz-20kHz
阻抗：33ohms
灵敏度：95dB
线材长度：1.2m

查询: ECT (电话: 3188 0767)

定价: $1,980